Unique Word Count: 338
Ag taisteal na Blárnan lá 's mé ag machtnamh Ar ár na bhfearachon fáilteach fairsing, Don phór treoin ba chalma i ngleó, Is mar neaduigh an t-ál so tháinig ó Shacsana I stáit 's i bhfearanntar Failbhe is Aimheirgin, Eoghain mhóir is Chairbre an tslóigh; Na flatha ba ghnáthach tárthach, treasamhail, Dá gcartadh 's dá gcrádh 's dá gcárnadh ag fanaticr An tain noch d'abaidh fá ghráin na heascainne Gráscar cealgach mhástain mhalluighthe, An chrón-chóip thug marladh don Órd. Do chaitheas-sa spás go cásmhar cathach, Gan aird, gan aiteas, go gcráidhte cearnuightheach Fá bhrón mhór ag fearadh mo dheor; Gur dhearcas-sa lámh liom bán-chneis bhanamhail Mhanla mhaiseamhail ghrádhmhar gheanamhail Ró-mhodhamhail ba thaithneamhach snódh; Ba chamarsach cáblach fáinneach fada tiugh, Ag feacadh 's ag fás go sáil léi ar baille-crith A bláth-fholt bachalach scáinneach crapanach Táclach snaidhmighthe bárr-char daithte léi I gclódh an óir gan scamall gan cheo. Do bhí deabhadh na mbláth le scáil ba dhearg Gan tlár 'na leacain ba bhreághtha lasadh, 'S a rór-bheól gan mhagadh gan mhóid; A mala gan cháim ar a sámh-dhearc abaidh D'fhúig támhach le deartaibh na táinte seabhac, Go ró-mhór do ghreannuigh a clódh; Mar eala ar an dtráigh a brágha 'sa geala-chruth, 'S a mama deas árd noch d'fhás ar seanga-chorp, A bán-chróbh leabhar d'fhágadh tarraingthe Báid is barcanna, cáig is ceathranna, Is gleo treon ar leathan-bhrat sróill. Ba ghárta, ba cháidh, ba shámh do chanadh Gach prás i bpreatainn na ndámh gan earbaidh, 'S ba shóghach shóghamhail a labhartha beoil; Ó bathar go sáil ní'l cáim ná ainimh, Le faghbháil 'na pearsain chirt áluinn greannta, Chuir ceo ar chlódh na mascalach óg; Do bheannuigh go tláth tais gáireach greannmhar 'S an teangain do b'fhearr i gClár Luire Banba; Le grádh don aitheasc sain láithreach preabaim-se, Fáth a haistir don bhán-chneis aithchim, Gan mhór-slógh ar eachaibh 'na comhair. Mar mheasaim, a bháb, 's a bhláith na mbarr-fhionn Is áilne pearsa 's is breághtha seasamh chruith Clódh 'gur snódh dár dhearcas-sa fós, Is tú an mharcalach mhánla ghárdach gheala-chneis Thug i mbarcaibh mhic Dáire spár ó Albain, Cóir Leomhain is gaithle le gleo; Nó an ainnir thug ár na tainte an Eamhain, Nó an bpuinneall 'na deághaidh tar sáil do tharraing Gac ársa gairchidh gan tlás noch d'airigh Priam 'sa chatha ba dhána i dtreasaibh, Nó an óigh seoidh bhí ag Aichil na slógh. Do fhreagair sí, ag rádh: Bí lán do mheanmain, Táim-se ag tabhairt mo lámh mar thaca dhuit, Fán bfóghmhas go n-amharcfais gleo; Is aithris d'fhaidhibh fáil an t-atharc reo Gan práisc do chanaim le páirt is taitneamh Don óg-leomhan do shealbhuigh m'oghacht; Ar thalamh 's ar sáil tá an báire carta aca, Ní'l seasamh i gcás le fágbháil ag galla-phuic, Ní fhágfar ainm dá n-ál i mBreatain Ar thrácht don bhaile don bhán-fhlaith, ag casadh Le seol cóir go fearannaibh Eoghain. Dá chabhair atá na Spáinnigh chalma, Ar mhagh 's ar mhachaire d'fhág fá tharcuisne Ar feodh cóip na Sacran gan treoir; Is cath-mhíleadh an Chláir do rás na seana-stoc, D'fhár i mBanba ársa treasamhail, An flór leomhain is taca le tóir; Ní léigfid ar lár go bráth a n-arma Go nglanfaidh Whitehall ó ál na nDanara Gan trácht ar charadh ná faghbháil ar aisiog A stáit ná a mbeatha, is go gárdach canaidh Le mór-scóip céad ámén le hEoghan.
– Eoghan Rua Ó Súilleabháin
Ag Taisteal Na Blárnan – Leagan Seán Ó Sé
Unique Word Count: 111
Do chaitheas-sa spás go cásmhar cathach, Gan aird, gan aiteas, go gcráite trasnaitheach Faoi bhrón mhór ag fearadh mo dheor; Gur dhearcas-sa lámh liom bán-chneis banamhail Mhanla mhaisiúil ghrámhar gheanúil Ró-mhodhúil ba thaithneamhach snódh; Ba chamarsach cáblach fáinneach fada tiubh, Ag feacadh 's ag fás go sáil ar baille-chrith A bláth-fholt bachallach scáinneach crapánach Tácálach snaidhmithe barrachas daite léi I gclódh an óir gan scamall gan cheo. Do bhí deabhadh na mbláth le scáil ba dhearg Gan tlás 'na leacain ba bhreátha lasadh, 'S a rós-beól gan mhagadh gan mhóid; A mala gan cháim ar a sámh-dhearc aibí D'fhúig támhach le deartaibh na táinte seabhac, Go ró-mhór do ghreannuigh a clódh; Mar eala ar an dtráigh a brágha 'sa geala-chruth, 'S a mama deas árd noch d'fhás ar seanga, A bán-chróbh leabhar d'fhágadh tarraingthe Báid is barcanna, cáig is ceathranna, Is gleo treon ar leathan-bhrat sróill.
– Eoghan Rua Ó Súilleabháin