Caitlín Óg

Unique Word Count: 89

Caitlín Óg ag gabháil an ród, 
Agus casadh Dónall Dubh uirthi, 
Thug sé í go taobh an chlaí, 
Agus bhain sé míle mag aisti.

Curfá:
Fa la la léir Ó randaí dú,
An gcuala sibh cúrsa ar Chaitlín, 
Dá mbéinnse beo arú bliain nó dhó, 
Go mbeinnse ag ól le Caitlín.

A Chaitlín Óg is tú mo stór,
Go deo, ní mian liom scaradh leat,
Ar Shliabh a’ tSín gur chaith mé an oíche,
Mar i ndúil is go mbeinn i gcleamhnas leat.

Curfá

Dá mbeinn i mo tháilliúir nó i mo ghabha,
I mo ghréasaí bróg a b’aite liom, 
D’ainneoin Éireann is a bhfuil beo, 
Go gcuirfinnse clóca ar Chaitlín.

Curfá

Bhí mé oíche i mo shuí liom féin,
Agus d’éirigh mé ionsar na cailíní,
Shíl mé a choíche nach bhfaighinn an tslí, 
Go tóin an tí ionsar Chaitlín.

Curfá