Unique Word Count: 127
Bhí mé oíche taobh istigh ’Fhéil’ Bríde, Ar faire thíos ar an Mhullach Mhór, Is tharla naí dom a dtug mé gnaoi di Mar bhí sí caíúil lách álainn óg. Is í go cinnte a mhearaigh m’intinn, Agus liaigh na bhFiann, ó, ní leigheasfadh mé, Agus tá mo chroí istigh ina mhíle píosaí Mura bhfaighim cead síneadh lena brollach glégheal. Is fada an lá breá ó thug mé grá duit, Is mé i mo pháiste bheag óg gan chéill, Is dá mbíodh mo mhuintir uilig i bhfeirg liom Nár chuma liom-sa, a mhíle stór? A mhíle grá, tá cách ag rá liom Gur den ghrá ort a gheobhaidh mé bás, Is níl a’n lá margaidh dá mbeadh ins na Gearaltaigh Nach mbeadh cúl fathmhainneach is mise ag ól. A chailín donn deas a chuaigh i gcontúirt, Druid anall liom is tabhair dom póg Nó is leatsa a shiúlfainn cnoic is gleanntáin, Is go Baile an Teampaill dá mbíodh sé romhainn; Ach anois ó tá mise córtha cráite, Is gur lig mé páirt mhór de mo rún le gaoth, A Rí atá i bParthas, déan dom fáras, I ngleanntán álainn lena taobh.