Unique Word Count: 89
A Mháirín de Barra, do mhearaigh tú m’intinn, Do chuir tú beo i dtalamh mé i gan fhios do m’ mhuintir, Ar mo luí dom ar mo leaba is ort ’sea bhím ag cuimhneamh Is ar m’éirí dom ar maidin mar gur chealg tú an croí dom. Do thugas is thugas is thugas ó m’ chroí gean duit Ar Dhomhnach Fhéile Mhuire na gCoinneal sa teampall, Is do shúilín ba ghlaise ná uisce na ngeamhartha Is do bhéilín ba bhinne ná an druid nuair a labhrann. Do shíl mé tú a mhealladh le briathra is le póga Do shíl mé tú a mhealladh le leabhair is le móide Is do shíl mé tú a mhealladh ar bhreacadh na heornan ach d’fhág tú dubhach dealbh ar theacht don bhliain nua mé. Is aoibhinn don talamh a siúlann tú féin air, Is aoibhinn don talamh nuair a sheinneann tú véarsa, Is aoibhinn don leaba ina luíonn tú faoi éadach, Is aoibhinn don fhear a gheobhaidh tú mar chéile.